Punësimi në Shtëtet e Bashkuara ka pësuar rënie drastike për herë të parë që nga viti 2010, pasi vendi u godit nga uraganët Irma dhe Harvey.

Departamenti i punës ka theksuar se rreth 33 mijë vende pune janë humbur, shifër që ka shënuar rekord në sektorin e punësimit, transmeton portali arbresh.info

Zyrtarët thonë se fajtor kryesorë janë stuhitë që goditën Teksasin dhe Floridën në fund të muajit gusht dhe shtator.

Ekonomistët kishin pritur një rritje prej 90 mijë vende të punës muajin e kaluar.

Megjithatë, Harvey dhe Irma nuk kanë ndikuar në normën e papunësisë, e cila u zvogëlua me 4.2%, shifër më e ulta që nga viti 2001.

SHBA ka përjetuar një nga shtresat më të gjata të krijimit të vendeve të punës në historinë e saj, megjithatë ekonomistët thonë se ritmi është i paqëndrueshëm dhe kanë parashikuar se do të ngadalsohet.

Sipas të dhënave, Uragani Irma, që ndikoi në shtetin e Floridës në fillim të shtatorit, shkaktoi shkatërrime në vlerë prej 56.5 miliardë dollarë dhe 14 miliardë dollarë në humbje të prodhimit.

Ndërkaq, Uragani Maria, i cili goditi Porto Rikon, shkaktoi dëm të pronave në vlerë prej 55 miliardë dollarë dhe 40 miliardë dollarë humbje të prodhimit ekonomik.

Gjatë stuhisë Harvey në Teksas, prodhimi i naftës u zvogëlua, derisa shumica e puseve dhe rafinerive ndaluan veprimtarinë e tyre, gjë që gjithashtu ndikoi negativisht në sektorin e naftës në SHBA./arbresh.info/